人狼帝国

又一年了！又一年了！谂返上年癫头四一齐迎接新年，咁快365日又过去了。习惯性动作，做一次年度总结。

【一月】—— 聚会，香港

    * 一个泰国朋友要走了，最后一次过深圳同佢玩。其实都几唔舍得噶。

    * 因为要出差，同华仔第一次落香港，唔知道点解，好中意香港哩个城市嘅气息。

    * 一月系一个聚会嘅月份吧，睇返啲相，好多聚会哦。

    * 系锦松嘅工作继续，尽管唔中意份工，但同啲同事相处得好好，好好嘅回忆嚟噶。

【二月】—— 深圳，设计师，医生

    * 去深圳一个拉链厂学习，地方好荒凉，到处都无嘢。不过同宿嘅一班福建人嘅饭餸唔错。

    * 同一个朋友去睇喜洋洋嘅大电影，成个场都得一班小朋友，感觉好尴尬，但好过瘾。

    * 过年，越嚟越无气氛，而且年龄越大越唔中意过年，唔知点解。

【三月】—— 生日，荒谬

    * 生日分别同两个无缘人过咗。不过都好，起码唔系一个寂寞嘅生日。

    * 一切事物好似要终结噉。成个月都无咩积极嘅心情。

    * 终于离开咗锦松了。一个吃之无味弃之可惜嘅地方。好吧，前面总有新生活等住我

圣诞过后，我最可怕嘅事情好似要到嚟。我承认我太爱佢，所以一直以嚟都好敏感，但哩次我感觉好强烈。我相信我嘅直觉。

佢哋认识一个几月，就系刚过去，我离开广州出差最多嗰期。出差期间，佢哋认识，直到我返嚟，第一次见嗰个人嘅时候，已经感觉到唔妥。第一次见嗰个人，系林生嘅生日会。佢哋合唱嘅时候，我见嗰个人望佢嘅眼神，令我觉得十分不安。我真系希望当时我系谂多咗。

过咗半个多月，近期发觉嗰个人系佢微博嘅回复好多，似乎好关心佢，甚至经常问佢晚上有无节目。好想约佢？佢平时出去蒲都会接触好多新面孔嘅人，好似哩次哩个噉，短时间发展出噉嘅友谊，令我觉得十分不安。当然，可以话系夹口型，所以好倾啲，但我真系感觉到，唔单只噉样。起码，我觉得嗰个人对佢，唔系做朋友咁简单。

临训前嘈咗两句，佢就唔回信息，唔接电话了。打俾李奇，得知嗰个人之前约过佢去睇电影。我真系好难想象两个认识就那么短短三四十日嘅所谓朋友，有必要单独约睇电影么？尽管佢无去，但噉更唔显得嗰个人有问题么。李奇一直系度追嗰个人，嗰个人即使唔接受李奇，都可以同李奇系朋友，点解就唔约李奇，就单独约佢？噉嘅行为，即使你话无嘢，都系好牵强嘅兜吧。

哩个晚上，好似平时一样，嘈完交，我失眠。加上哩份直觉嘅出现，我真系好不安。不断刷新微博，手攞实手机，怕佢半夜醒咗复我电话。不过，我只可以眼光光望住窗外嘅天一直光起嚟。

哩个晚上过得好漫长，佢训醒睇完我嘅信息，佢会点谂。仍然系认为我太敏感，谂太多。特别李奇同我讲咗嗰个人约过佢睇电影哩件事，佢，其实应该心里明白咩一回事吧。真系我谂太多咩？

近期发生咗好多嘢，微博上三言两语讲唔清，要更新下博客。

有那么一晚，忽然佢同我讲咗番话，令我忽然顿悟，觉得唔好管佢太多，因为我仿佛见到我哋嘅终点，当然，唔系近期。本来就少约朋友出嚟见面嘅我，同咗佢一齐之后，约朋友次数更加少，甚至朋友约我，我都主动推咗。但到咗今日，我开始觉得，既然佢想要过单身同拍拖无区别嘅自由生活，噉我都唔好再压抑自己了，多啲约朋友出嚟见面。俾多啲空间佢，同时俾多啲空间自己。但对住同一个人相处太耐，有时候有啲嘢会睇成理所当然。系好事，定坏事？两睇了。

工作上，我已经习惯咗，甚至享受无休息嘅日子，系微博度睇到一条，最勤力赚钱又最唔舍得洗钱嘅星座——双鱼座。唔知道其他人点了，但套系我身上，好准咯。晒命啲讲句，我嘅工作唔系出卖自己嘅劳动力，我勤力工作一日，等于人哋工作一个星期，点解我唔努力，点解我唔享受。系咪？当然，我亦知道会牺牲咗陪佢嘅时间，但我好清楚我自己做紧乜嘅。

双鱼座系一个好念旧嘅人。冥冥中好多嘢都注定嘅。因为各种原因，近期，同第二、三、四前任都有返往来，同佢哋都系大约哩个时候一齐嘅，谂返之前，真系觉得时间过得好快。爱嘅反面系恨，系我身上，或者唔适合吧。同时，近期我证实到有一句话系好啱嘅，处女座同天秤座啲人，真系有一股魔力同魅力吸引住双鱼座嘅人。包括我，都跳唔住哩条规律。

爱情同工作，要我二选一，我坚持选择工作。哩个系一个理性嘅抉择。尽管对于双鱼座嚟讲，无爱情就无生活动力。讲真啊，我单身嘅时候，咪都不断寻觅咩，呵呵。可能因为加阵有，而且太幸福，所以先噉拣吧。但就好似某个朋友讲嘅，珍惜眼前人就好咯。

琴晚嘅一场无火战役后，今日成日，我都唔系好系状态。偏偏哩啲时候，我就要出差。好唔系状态噉我搭飞机嚟咗上海，好唔系状态噉系公司磨咗一个下午，好唔系状态噉系酒店对住龟速网络（最后训着埋）。琴晚嘅无开火嘅一次“嘈交”反而令我觉得无比恐怖。但我知道我仲好爱佢，同时的的确确感受到佢系有几在乎我，但点解就系要不停嘈，莫非真系星座话斋双子同双鱼系相爱容易相处难？晚上11点训醒，系扣扣度好简单噉交谈咗几句，介绍咗前日家姐介绍俾我嘅歌佢听，两个城市，同一时间，我哋听住同一首歌，我哋两个心，系咪仲系有住同一个思想呢？两个人相处真系唔容易，终生学习，但愿陪我学嘅，终生系佢。上海好冻，我好寂寞。

我都做勾引过人哋一对嘅，我都做过贱人，我有咩资格禁止人哋做贱人做第三者介入？

我以前拍拖都偷吃，但又担心自己i嗰个出去偷吃，自私？算挂，以前咯，起码加阵嘅我唔会。

其实，大家都系噉噶啦，单身可以名正言顺出去乱搞，拍拖出去偷吃可以寻求刺激，分手后有借口去放纵身体。一直循环咯。

有因必有果，入得哩个圈玩，大家都系玩噶啦，你无？上面三种情况你一次都无？咪五十步笑百步了。有时差罢了。

基于近日某脑残系微博发言讲我，甚至涉及到我朋友，我系度作一次回应。

第一，我已经将你拉黑，我无兴趣八卦你啲嘢，我啲嘢又关你撚事啊！自己入我微博睇完又发花癫。

第二，我从来无讲过自己似明星，只系大众觉得我似小肥，同我开玩笑。我朋友同我开玩笑，借问句：关你撚事！？

第三，护肤产品哩啲嘢，讲适合唔适合噶啫。本身我前日发嗰条微博就唔系为晒命，百几蚊嘅产品我有必要晒命么？只在于向朋友介绍。再讲句，你自己所谓嘅成千蚊嘅护肤产品，我唔见得你皮肤好得去边咯。廿岁未够，已经一面瑕疵。

第四，并非所有人都中意IPHONE，唔用IPHONE就代表cheap？自己价值观有问题嘅人，无资格评论人。你啲嘢系屋企俾钱，又唔系自己赚嘅，有咩好炫耀。有本事，毕业出嚟赚钱先算了。我宁愿同班朋友系百花吃几碗四五蚊嘅糖水，都唔愿意自己一个充大头鬼系满记叫份最平嘅同“寂寞”一起吃。

影衰九零后嘅典型脑残代表，为你默哀

今日，学校嘅一齐嘢都搞掂晒。正正式式成为一个社会人。但晚上同佢嘈咗几句，系返嚟嘅车上谂咗好多好多嘢。返到屋企嗰一刻觉得好躁。忽然觉得哩个屋企，竟然无一个完全属于自己嘅空间。跟住马上发晒牢骚，同细佬，同阿妈，同老窦！

觉得屋企无自己空间哩个谂发一直都有，自从入读高中需要寄宿，到家阵已经有七年无系哩个屋企长住。以前属于自己嘅房间，俾老妈放咗好多杂物。但当时考虑到，我只系系屋企“寄宿”，我都觉得无乜嘢，因为都系训一两晚，或者暑假寒假之后，又返学校了。但毕业了，要无限期返到哩个无一片完完全全嘅空间系属于我嘅屋檐下，真系好烦躁。

打电话俾阿莎倾咗成一个钟，又诉咗一晚苦。连佢都觉得家阵嘅我变咗好多。我以前系双鱼座里面力争上游嘅一条鱼，但唔知道点解，家阵变成了等待奇迹嗰一条。无咗心里面嗰团火，凡事唔顺心就只识得发脾气、识得抱怨；唔识自己问自己原因，寻求解救方法。到底以前嘅我去咗边！？点解我会变成噉样！？

同莎讲到饮酒。系，今晚心情真系好差，不过，我系屋企住，我晚上唔可以太夜出街，我又唔可以饮个烂醉麻醉自己。系咪我离开屋企嘅生活太过放肆，导致我返到屋企会觉得特别受约束呢？

工作，证书，感情，生活....点解一切一切都唔顺心，甚至连饮酒麻醉自己都唔得！！！

总访问量超三万，更新一下博客吧。先插入一句，有新浪微博嘅朋友仔，快加我啦：t.sina.com.cn/caltonchu

       最近都系忙住陪佢到处玩，同时准备毕业啲嘢，考证书啲嘢。听日就毕业典礼，四年眨眼就过。好多唔舍得，好多嘢未做。搵日得闲，整理一次哩四年嘅大学生活，写一篇总结吧。

       夏天嘅味道已经闻到，不知不觉系明师都已经做咗一年，仲好清楚上一年第一次上课嘅心情。好快新一轮嘅工作又要开始了。好期待哩个暑假！期待新生活模式：工作，同居，娱乐，旅行...

       相册更新咗几张毕业照嘅相仔，唉，无咩心情整理了，随便发两张上来算了。

      ２０１０年又过去一半了，之前话过，双鱼座今年有好多大改变，嗯，的确系咯。哩一次，我认定了！我也跟定了！

       思绪好混乱嘅一次更新，呵呵，不过其实成日更新都咁样噶啦。哈哈...

这次，我打算用普通话来更新这一次博客。可能是这段期间跟一班人都多说了普通话的关系吧。

下班下来，回到家，准确来说是她家，就躺上床睡去了。抱着那个不会挡着脸的面包超人，很放心的睡着了，因为她就在我身边。梦中，突然有人来突击，硬地把我弄醒。那体温，那拥抱，那气味，嗯，是熟悉的她。我没有没有睁开双眼，对，没有必要，因为她的突击，不会让我感受到危机感。电脑响起林一峰的新专辑。对，我很喜欢林一峰的歌曲，特别是他唱英文歌，特别特别有味道。那个半睡未醒的我，那个跟我紧紧相拥深深热吻的她，窗外那滴滴答答的雨滴，音响那让人窝心的歌曲.....这一刻，我心里面想的是：这一个瞬间，永远停下来吧。